Shillong, Iaiong 13: Ka jingbthah jong ka Sorkar Kmie ba la ialam da ka seng BJP bad kiwei kiwei ki seng ha ka rynsan NDA ban pynlong ia ka Digital India Day ha ka sngi Good Friday ka long kaba bakla jur bad kaba khlem burom shuh ia kiwei ki jingngeit bad ia kaba ngi pynrem jur ia kum kane ka jingthom bor ia ka hok ban mane blei laitluid.
Ha kawei ka liang ngim sngew phylla ia kum kine ki jingjia namar haba ngi pule bniah ia ka BJP Manifesto ngi shem ki jingthmu ki long kiba shai bad kiba jngai ha kiba la thoh hapoh ka Manifesto ha kaba ka party BJP ka kular lane ka thmu ban leh haba ki ioh bat ia ka synshar khadar hapoh ka Ri India.
Kum ka nuksa ha ba pule lyngba ka internet ia katei ka BJP Manifesto la thoh shai kumne ha kaba iadei bad ka jingiakhih kaba la palat 68 snem hapoh ka jylla “Jammu and Kashmir : The BJP reiterates its stand on Article 370, and will discuss this with all stakeholders and remain committed to the abrogation of this article” page 7. Kane ka jingthmu ka thew ban pyndam ia ki jingiateh (Instrument of Accession) ba la soi bad mynjur hapdeng ka Jammu & Kashmir bad ka Dominion of India ha u snem 1947-48, kaba ithuh ia ka Hok kyrpang jong ki nong Kashmir.
Hynrei ha long kaba lyngoh namar ha u snem 1997 Ka Federation of Khasi States hapoh ka jingialam u Bah John F Kharshiing, ki la ia kynduh ia u Shri. PB Archarya, Incharge, Five Border States, NE Region, BJP, ha Shillong ha ka jingiadon lang ryngkat u (late) Bah TH Rangad, MLA, (bam kwai ha duwar u blei), bad hadien katei ka jingiakynduh, la pynmih da utei u heh ka BJP ia ka Policy Statement of the BJP for Meghalaya (1997-98) ha kaba la kular bad buh thup kumne 34. On Old Agreement /Instrument : The party shall pay full respect to any or all the old agreements or Instruments solemnly entered in between the tribal rulers and the then Dominion of India immediately after India’s independence and shall take appropriate steps in confirmation and fulfillment of the spirit enshrined therein” .
Ka Grand Council of Chiefs of Meghalaya, kynthup ka Federation of Khasi States, Sirdarship, Ka Dorbar ki Dolloi, bad Council of Nokmas ka la phah teng ia ka shithi pynkynmaw sha ka BJP Meghalaya, u President BJP, naduh ka 22 tarik April 2015, bad dang shen la ai ruh ha kti jong u Shri. Narendra Modi, Prime Minister, Ri India, hynrei haduh kine ki sngi ym pat ioh kano kano ka jubap na ka liang jong ki. Kumta ngim tip la ka seng kmie BJP kan bat ne em ia kitei ki jingkular kumba la pruid dak bad kular hapoh ka Policy Statement of the BJP for Meghalaya.
Kumjuh ha ka sla kaba bud ka seng BJP ka thoh kumne “BJP believes in India being one India one people and one nation” page 8 , kine ki jingthmu ki long kiba jngai. Namar ia ka Ri India la kynthup lang ia kiba bun ki “Indigenous Nation”. Ngi dei ban kynmaw ba ki Hima Khasi States kim shym la soi ia ka dulir Instrument of Merger kumba la soi da ki palat san spah tylli ki Hima kiba la pynwai ia lade ban thaw ia kawei ka Nation. Ka Dorbar ki Khlieh Nongsynshar ka dang iai ap ia ka jingkhot bad ka jubap na ka Seng BJP kaba la bat ia ka jingsynshar hapoh delhi mynta la jan dap lai snem duna.
jingthmu, jingkular bad ki jingtyrwa (manifesto) kiba kiba baroh ki seng sain pyrthei (political parties) ki juh rah bad sam hakhmat u nongthep vote hashwa ki Election. Kan long kaba myntoi shibun ia ki paidbah lada ki Dorbar Shnong, Dorbar Raid bad ki Dorbar Hima kin shim khia ban lum Dorbar Hima ban ia tai bad pule ia ki Manifesto jong baroh ki Political Party, hakhmat ki khun ki hajar ban ioh jingshai hakhmat ka Dorbar kino ki party kiba lah shisha ban iada ia ka jaidbynriew rit paid lane kano ka seng sain pyrthei ka long kaba lah ban pynurlong ia ka jingangnud ki paidbah nongjied bad nongthep vote.
