Shillong, Nailur 06: Ki nonghikai kiba la thung kam na ka skhim “Sarva Shiksha Abhiyan” jong ka sorkar pdeng kila thaw ia ka seng All Meghalaya Sarva Shiksha Abhiyan School Teacher Association (AMSSASTA) bad ha ka general meeting kaba kila long mynta ka sngi kila shim ia ka rai ba ka sorkar ka dei ban siewlang ka juh ka tulop ia u “Fourth Teacher” lane u ta u nonghikai u saw namar ka don ka jingiapher ha ka rukom siew wat la ki hikai ha ka juh ka skul.
U Bah L Marngar president jong ka seng haba kren ha ki lad pathai khubor ha dien ba la wai ka jingialang ka jong ki u la ong b aka seng ka kwah ban iohi b aka sorkar kan ialeh ban siew lang ia ka juh ka tulop ia kiba hikai ha ki skul SSA, namar kan long kaba bha ban iohi ba kiba ioh ia ka tulop SSA kin ioh khyndai hajar katba u ba dei u nonghikai u ba saw pat un ioh tang hynriew hajar ka seng kan sa thoh da ka dorkhas sha ka sorkar.
Haba ia dei bad ka jingong u myntri ka tand pule ban pynkiew noh ia ka tulop jong ki nonghikai SSA, na ka liang jong ka seng ka kwah ba ka sorkar kan pynkloinoh ia kane ka jingsiew bad ia kane ruh kin sa thoh sha ka sorkar namar haduh mynta kila dep phah haduh san tylli ki dorkhas bad mynta kin phah biang ban dawa n aka sorkar ba ka dei ban pynkloi noh.
Kum ka seng ka kwah ba ka sorkar ka dei ban ithuh noh ia ki kum ki nonghikai ba pura jong ka sorkar namar kine ki 12481 ngut ki nonghikai ia ki la shu thung kontrak bad ka tulop kaba ki ioh ruh ka dei n aka skhim jong ka sorkar pdeng dei tang ia u fourth teacher kaba la siew da ka sorkar jylla.
