Jowai, Jylliew 06: Ka Jaintia Students’ Union (JSU) Seng Kmie lyngba ka Game &Sports Committee sa shisien pat kum shi bynta ban pynshlur iaki para samla ha ki kam sports ia baroh kito kiba don ka sap bad ka jingsngew tynnad ha kaban kilan met bad pyni iaka Dohksah kala shim iaka rai ban pyllong biang iaka jingia pyni doh ksah kaba la tip kum ka Mr. 7WASA Body Building & Fitness Championship 2014 haka 28th June 2014.
Shuh shuh naka liang kane ka Committee jongka Union kala rai ba ha kane ka jingiakhun pyni Dohksah naka bynta ki samla kiba don jingthmu ban iakhun kan long haki 5 tylli ki kyrdan kata kat kum ka jingkhia ka met ka jongki kaban sdang naduh ka 55 kg, 60kg, 65kg, 70kg bad ka 75kg sha neng, ki nongjop na ka wei pa ka wei ka kyrdan kin ioh ban iakhun iaka nam lahduh (Champion) bad kin ioh ruh ban rah iaka song pisa kaba haduh 15,000 (Khatsan hajar tyngka) ryngkat ka trophy bad ka Certificate bad kiwei.
Na ka liang ka Committee kala kala rai ruh ba kane ka jingiakhun kan long beit tang naka bynta ki samla trai ri jongka bri u 7 trep 7 Skum kumba la leh ha une u snem bala dep kata haka 1st Mr. 7 WASA Body Building & Fitness championship ia kaba la ioh rah iaka nam lah duh da u Pynshngain Langpen. Kumta ki samla kiba kwah ban iashim bynta ki dei ban long kiba la pynkhreh bha, bad iaki form yn ioh ha kane ka juh hi ka sngi.(SP News)
