Shillong,Jylliew 26: Ka seng samla Mairang ka la pynpaw ia ka jingsngew sarong halor ka jingwanrah burom ka samla Sylviana Lyngdoh Mawlong kaba la ioh ia ka nam best actor na ka liang ki kynthei ha ka phlim ksuid ka ‘Dak Bangla’ ha ka Parag Cine Award Northeast 2017 kaba la long ha Kokrajhar jong ka jylla Assam.
Haba ia dei bad kane na ka liang jong ka shnong Mairang kan pynlong ia ka jingpynkub burom ha ka 15 tarik Naitung ia ka samla Sylviana ha Tirot Singh Ecological and Heritage park ha Mairang. La ong u Bah Macdonald Nongrang president ka seng samla Mairang.
U Bah Macdonald Nongrang u president ka seng samla Mairang haba kren sha ki lad pathai khubor ha Shillong Press Club u la ong, wat lada kiba bun na ki khynnah samla ki ju wanrah ia ka nam ka burom ia ka jylla ha kiba bun ki bynta hynrei ka sorkar kam ju ai ia ki lad jingiarap ban kyntiew ia ki riew donsap ha ka jylla bad kane ka pynduh mynsiem noh ia ki kiba donsap.
La kynthoh ba,ka sorkar jylla na ka bynta ka phlim Bollywood ka ‘Rock on 2’ ka kloi ban ai jingiarap haduh 2 klur tyngka kan don jingeh aiu ia ka sorkar ban ai jingiarap ia ki samla kiba donsap ha ki kam pynmih phlim ne ak phlim khnang ba ki phlim khasi ki kiew bad kumjuh ruh kan long kum kawei na ki lad ai kam ai jam ia ki khynnah samla.
Ia ka jingpyni ia kane ka phlin la leh ha sor Guwahati ha ka 13th Jymmang, 2017 ban ioh khur ia ka nam kum ka Best Film, Best Director bad Best Female Actor, ia ka Dak Bangla ka Puron Sylvania Mawlong la bishar bniah da ki nongbishar ka la ioh khur ia katei ka khusnam kum ka Best Female Actor, katba ia ka Best Director la shah kyntait noh hadien ba la shah rem tang da ki katto katne point, la ong u Bah Bobby Basaiamoit.
