Tura, Naitung 10: Ka sorkar Meghalaya kala thrang shisha ban hikai ia ki samla kane ka jylla ban pyntbit kyrpang ha ki kam bapher bapher kiba katkum kane kajuk kaba mynta, ka sorkar kala buh ia thong ban hikai 7500 ngut lem bad ia kiwei ki samla kane dong shatei lam mih ngi jong ka Ri India.
U myntri rangbah ka jylla u la ong ba ki lai tylli ki polytechnic kiba don ha kane ka jylla kum ka Shillong, Tura bad Jowai ynsa kyntiew kyrdan ia ki kum ki “Centre for Excellence”. Ka sorkaer pdeng kan bei T.500 klur bad ka sorkar jylla kan seo 10 percent bad ia kaba duna yn bei da ki company.
Kan don ka jingiatreilang hapdeng ka sorkar bad ki nongwan bei pisa na ka bynta ban hikai ia ki 2500 ngut ki samla ban hikai ha kawei kawei ka polytechnic kaba yn shim ruh ia ki samla jong kiwei ki jylla kane ka thain.
Ka jinghikai kaba ynhikai ha kine ki jaka kan long katkum kane ka juk kaba mynta na ka bynta ban pynioh kamioh jam ia ki samla la ong u Dr Sangma.
Kumba ka long mynta ka Ri China kala kham kiew ha kane ka liang bad kumba ka long ka China kala kiew da 65 percent katba ka Ri India ka dang kiew dang 5 percent lada kalong ha kane ka rukom ha u snem 2030 ka Ri China kan long ka ri kaba khraw spah.
Kumba ka long mynta ka Ri China kan sa hiar ha ka jingdon jong ki briew ban trei ia ka kam ha u snem 2020 kumta la dei ban shim kabu ia kane bad kan long ka jingkhring ia ki briew kiba wan sha bar ban beipisa sha kane ka thain lada lah ban ioh ia ki briew ban trei ia ka kam, haba ka don kane ka lynti dei ban shim ia kane ka kabu la ong u myntri rangbah ha ka jingialang kaba la long ha Tura.(SP News)
