Shillong, Naitung 09: Ka jinghikai kaba kyrpang ia ki NCC kiba dei na kane ka jylla Meghalaya la pynlong ha Unroi Kantonment na ka bynta shiphew sngi lynter kaba la sdang ha ka shitarik bad kan kut ha ka shiphew tarik mynta u bnai. Baroh ki NCC kiba la ia poi sha kane ka jinghikai na kane ka jylla Meghalaya ki long 500 ngut.
Ki dkhot jong ka NCC ha kine ki shiphew sngi kila shah hikai ha kiba bun ki liang, ha ka burom ka akor, kila ia shim bynta ha ki jingialehkai bad la hikai ia ki ruh kumno ban sait suloi. Ha kane ka sngi u myntri tnad pule jong ka sorkar Meghalaya u Bah Lahkmen Rymbiu bad u Major General Chauhan ADG, jong ka NCC kila ia dong lang ha kaba sam ia ki khusnam ha kane ka sngi kut jong ka jinghikai.
Ki dkhot jong ka NCC kiba la leh bha ha kane ka jingai jinghikai kila ioh ia ki medal na ka bynta ka jinglah ka jong ki. Na ka liang jong u myntri ka tnad pule puthi ka jylla u la ai ka jingiaroh ia ka NCC ba dei peit ia ka NE Zone kaba la ialeh ban pynshlur ia ki samla ba kin rung sha ka NCC bad u kit bok ba kin long kiba jop ha ki kam baroh.
