Shillong, Iaiong 26: Ki pulit jong ka Khanapara jong ka Ri Bhoi District kila ioh ban kem ia u Rudra Rabha u ba la suba ba dei u nongialam jong kawei ka kynhun nonglute ha ka 24/4/2024 bad la rah ia u sha poh iing kashari ban bishar ha ka 25/4/2025.
Ka iing bishar kala ai por san sngi ba ki pulit kin tohkit ha kti jong ki, mynta ka sngi ha ka jingtohkit jong ki pulit u laphla ba u don ka suloi bad kaba la shan tuh kaba u la buh rieh hapoh khlaw.
Katkum ka jingphla ka jong u ki pulit ka Ri Bhoi District kila phah ialam ia u sha ka jaka kaba la buh rieh bad u ba la shah kem u la ialam sha Ranibari ha kaba la ioh ban kurup na khlaw ha ka jigndon lang ki sakhi ha ka por 1.05 baje shiteng synia la shimti da ki pulit ia ka suloi bala shna tuh.
Namar bymbiang ja ka set ha Rani BOP la wan rah biang ia u sha Khanapara Police Station mynta ka sngi ka 26/4/2024 na ka bynta ka jingshngian ban buh ia u tei u runar.
Hynrei mynta ka sngi ha ka por 4.00 baje kynjat shai u ba hapoh thnad u la shem ba u Rudra Rabha u la dien phasi ia lade hapoh kamra ba set ia ki shynrang ha kaba u la teh ia lade da ka jian na ryndang kaba u la tar lyngkhot na ka blanket hapoh ka jaka set.
Halor kane ka jingjia u Executive Magistrate na Ri Bhoi District Nongpoh la leit sha Khanapara ba leh ia kaba don kam katkum ka ain ha ka jingdon lang ki doktor ha ryngkat jong ring Video bad shondur katkum ki kyndon ain, ia kane ka jingjia la register ia ka ejahar ha Nongpoh Police Station hapoh ki kyndon No. 42(4)2024U/s 304{A) IPC band dang tohkit shuh shuh.
