Shillong, Risaw 17: U Lat jong ka jylla u Ganga Prasad mynta ka sngi u la ai ka jingmynjur ka jong ia ki Executive Member ba thymmai jong ka Jiantia Hills Autonomous District Council (JHADC) bad ia kane ka jingmynjur jong u Lat ka jylla la pynmih ha ka jingpynbna sorkar mynta ka sngi.
Ki Executive Member ha ka Executive Committee jong u Bah Awhoi Andrew Shullai kiba la ioh ia ka jingmynjur jong u Lat ka jylla ki long u Bah Kilometre Lyntan kum u Deputy CEM, bad ki EM ki long u Bah Lamdibok Sumer, Bah Philip Tangliang, Bah Desous Pohshna, Bah Holando Lamin, Bah Phasmon Dkhar, Bah Wining G Syngoh, bah Hermon Phawa, Bah Hopingstone Bareh bad u Bah Suklang Shylla.
Katkum ki thymmei khubor kiba la lah ban ioh la iathuh ba ia kane ka jingai jingmynjur jong u Lat ka jylla la phah jingtip sha JHADC bad mynta kala dei sa ka bynta jong u CEM jong ka JHADC ban bate kam ia kine ki EM jong u hapoh jong ka JHADC.