Shillong, Nailur 29: U Myntri rangbah ka jylla u Conrad K Sangma mynta ka sngi u la phah ia ka jingai khublei ia u bah Hame Shaniah Suiam u ba la wanrah ia ka nam ka burom ym tang ia ka jylla Meghalaya hynrei ia ka Ri India baroh kawei da kaba ioh rah ia ka nam lah duh ha ka jingiakop ia kura kaba la long ha Russia.
Kane ka jingiakop ia kura kala sdang naduh ka 24 tarik mynta u bnai bad kala kut mynta ka sngi ha ka jingiakura phainal hapdeng u bah Hame Shaniah Suiam na India ba dei na ka jylla Meghalaya bad u Hus Hassan Imad Haear na ka ri Iraq. Ha kane ka jingkura u bah Hame u la ioh 21 point bad u Hassan u la ioh 12 point.
Ia kane ka jingiakop ia kura kaba la tip kum ka ‘WAKO World Cup Diamond Kickboxing 2019’. Ka jingai khublei ia u bah Hame kala long ruh ia u Santosh K Agrawal u President jong ka WAKO India Kickboxing Federation.
