New Delhi, Iaiong 12: Hadien ki khubor ba shah thombor ki doktor bad ki nongsumar briew, ka tnat kam poh iing jong ka Sorkar Pdeng ka la bthah ia baroh ki jylla bad ki UT ryngkat ki bor pulit ba kin ai jingiada lyngba ka jingsynran ki pulit ia ki doktor bad ki nongsumar briew ha ki hospital.
Kane ka jingsynran ki pulit kan long bad ha ki jaka ba don ki nongpang kiba la pynthikna ba don jingpang COVID-19 lane ha ki jaka ba la pynsah marwei ia kito kiba suba ba don ia kane ka jingpang.
La bthah ruh ba ki pulit ki dei ban synran ia ki doktor bad ki nongsumar briew kiba leit sha ki jaka bapher bapher ban leh eksamin ia ki briew ban lap ia ki dak jong kane ka jingpang.
