Balei mih u Bah Enbin Kharraswai GS barim ka HSPDP u mih bad leit ban rung sha ka KHNAM?

Bah EnbinShillong, Naiwieng 30: Ka jingmih noh jong u Bah Enbin Kharaswai u ba dei u General Secretary barim jong ka seng HSPDP bad leit ban rung sha ka party KHNAM ha ryngkat ki nongbut jong ki ha ka jingialang paidbah kaba la long ha Mawkyrwat kan ktah shibun ia ka party HSPDP ym tang ha Mawkyrwat hynrei wat sha kiwei ki bynta jong ki Lum Khasi.

Ka jingleit jong u Bah Enbin sha ka party KHNAM kam dei ban u leit marwei hynrei u la rah lang bad u ruh ia ki nongkyrshan jong ka seng HSPDP sha ka KHNAM bad ka daw kaba ha khmat eh kaba u tei u nongialam barim jong ka seng HSPDP u la leit ban pyniasoh sha ka KHNAM ka long halor ka jingpynduh tiket jong ka party ha kane ka Election ban ha u snem 2018.

Ha kane ka jingialang kaba la long ha Mawkyrwat na ka liang jong ki nongialam jong ka KHNAM la pidang sngewbha ia u bah Enbin sha ka seng da u president ka seng u Bah Pyndap Saibon ha ka jingiadon lang kiwei kiwei ki nongialam jong ka party hapdeng ka jingialang kaba la ishongkun.

What Next?

Recent Articles

Leave a Reply

Submit Comment
*