Ban pyneh ryngiew bad pynrem ia kiba pyniap briew pynlong jingialang ka STIEH ha Golflink

Shillong, Iaiong 05: Mynta ka sngi ka seng STIEH kala pynlong ia ka jingialang paidbah ha madan Golflink ban pynneh ryngiew ia ka jaidbynriew bad ha ka juh ka por ban pynrem jur ia ki briew kiba la don kti ban shim ia ka jingim jong u bah Phershonroy Myrthong.

Haba kren ha ki lat pathai khubor ka kong Deiwi Tongper  president ka seng STIEH kala ong ba ka jingpynlong ia kane ka jingialang ka long ban pyneh ryngiew bad ha ka juh ka por ban pynrem ia ki nongleh kam sniew kiba la shim ia ka jingim jong u bah Myrthong.

Na ka liang jong ka seng STIEH ka buh ka jingkylli ba balei haduh mynta ka tnad pulit kam pat iohkem wat tang u wei ruh wat la ka kynnoh ba ki nongleh kam siew ki don kumba 20 ngut ei ei ha katei ka jingjia ha madan Golflink.

Ka kong Tongper kala ong ba kum ka seng ka dawa ba u myntri kam poh iing bad u SP  jong ka East Khasi Hills lada kim  lah ban kem ia ki nongpyniap briew ki dei ban shim ia ka jingkit khlieh bad lada kim ioh kem dei ban hiar shuki mardor.

Ha kane ka jingialang kaba la long mynta ka sngi na ka liang jong ki bor shnong ka Pynthorumkhrah ha kane ka jingialang kala pynpaw ba kum ka shnong kam don hok ban khang ia ki nongwan kai hynrei dei ha dien kane ka jingjia kum ka shnong kala shim ia ka rai ban nym shah shuh ia ki briew ban rung sha Golflink ha dien ka 5.30 baje jan miet.

What Next?

Recent Articles

Leave a Reply

Submit Comment

*