Bat ki pulit ia ka Tourist Taxi ha Mawiongrim ioh kumrup 10.174 kilo u Yaba tablets kem 5 ngut

Shillong, Rymphang 21: Ha ka miet sngi palei ki pulit jong ka jylla Meghalaya ha dien ba kila ioh ka jingtip ba ka don kawei ka Tourist Taxi kaba mih na Guwahati ban wan sha Shillong ba ha kane ka kali ki don ki briew kiba suba ba ki dei ki nongkhaii droks.

Na ka liang ki pulit jong ka jylla Meghalaya kila pynlong ia ka jingap ktem ia kane ka kali ha Mawlai Mawiongrim ha kaba kila bat ia kane ka kali kaba don ia u number AS 01 LC 4807 kaba la shong da ki san ngut ki briew hapoh kane ka kali.

Haba ki pulit kila ioh bat ia kane ka kali kila talasi ia ka kali bad hapoh jong ka kali kila ioh ia ka pla trolly bad haba la plie ia kane ka pla la shem ba ki don ki dawai jingdih pynbuaid kiba la tip kum ki Yaba tablets bad bad ka jingkhia ka long haduh 10.174 kilo bad kane ka pla trolly ka dei ka jong u Jiten Wairokpam Singh.

Haba la tohkit la shem ba kine ki don ka jingiasuh buit lang ban die ia une u kynja drok u ba la tip kum u Yaba tablets bad ki pulit kila kem ruh ia kine ki saw ngut kiba ia don lang hapoh kane ka kali  bad kiba la shah kem lang ki long u Akoijam Subhachandra Singh, u Samphangso Shinglai, u Nganba Wairokpham Chenglei bad ka Nengneichong Lhanglal baroh ki dei na Manipur jong ka Ukhrul Districts.

Ki pulit kila kem ia kine ki san ngut bad la register ejahar pyrshah ia ki hapoh Mawlai Police Station hapoh ki kyndon jong ka   NDPS Act hapoh ki kyndon  P.S Case No. 14(02)2020 U/S 29/21 (c).

What Next?

Recent Articles

Leave a Reply

Submit Comment

*