Shillong, Naiwieng 28: U Vice President ka party Trinamool Congress u bah George B Lyngdoh MLA u la buh ia ka jingartatien ia ka jingphah tohkit sha ka CBI ia ka jingjia ha snong Mukroh, namar ha Delhi ruh ka sorkar BJP, ha Assam ruh ka sorkar BJP bad ha Meghalaya ruh dei ka sorkar ba la thung da ka BJP.
Kane ka jingartaien ka long ba lano kin sdang toh kit, ha ka juh ka por ka long ba ha Delhi ruh ka sorkar BJP, ha Assam ruh ka sorkar BJP bad ha Meghalaya ruh dei ka sorkar ba thung ka BJP, kumno yn shaniah ia kata ka jingtohkit ka CBI ia kaba kim tip lano kan sdang.
Haba kren ha ki lat pathai khubor u bah George la ong, kaba kongsan eh ia mynta ka long ba ka tnad pulit ha dien ba kala dep ban ujor ia ka ejahar kala dei ban pynmih ia ka hukum ban phah kem ia kito kiba don kti ban siat iap ia ki riew paidbah ha shnong Mukroh.
U bah George la kumba ka paw na ki lat pathai khubor ba ka sorkar Assam kala thung ia ka kynhun tohkiti ban tohkit da u nongbishar ba la shong thait, ka jingkylli ka long hato u lah ban tohkit ia kaei kaba jia ha Meghalaya, namar ka jingjia ka dei ha Meghalaya.
Ha juh ka por ka sorkar Meghalaya kala thung ia ka kynhun tohkit kaba la tip kum ka SIT bad ka kynhun tohkit ban tohkit da u nongbishar bala shong thiat, kane ruh ka long kum juh hato ka lah ban tohkit ia kito ki briew kiba na Assam khlem da kem ia ki.
Kaba kongsan mynta ka long ba katkum ka ejahar kaba kaba la ai da ki pulit dei ban ai ia ka hukum ban kem ia ki briew kiba don kti ha katei ka kam siat briew ki pulit Assam.
Kata ka jingtohkit CBI kan wan ha dien ia kaba kim pat lah ban tip kan sdang lano, hynrei kaba don kam eh ha khmat ka long ba dei ban kem ia kito kiba don kti. Lada kane ka sorkar kam lah ban leh ei ei bha ba pynjari noh da ka synshar president.
