Bym don “Service Rules” ia ki BDO la shu shim na kiwei ki tnad sorkar ban trei ha ki Block

Shillong, Iaiong 05: U myntri ba dei peit ia ka tnad pynroi nongkyndong u Bah Sniawbhalang Dhar haba jubab ia ka jingkylli jong u Bah Kimfa S Marbniang MLA jong ka Rambrai Jyrngam ha kaba ia dei ba ki Block Development Officer ha ki ophis jong ki Block Development. U la ong ba  namar ba ka tnad pynroi nongkyndong kam pat don ia ka “Servie Rules” ia ki BDO ban trei ha ki Block la shu shim na kiwei ki tnad sorkar.

Na ka liang jong u myntri u la iathuh hapoh jong ka iing dorbar ba na ka liang jong ka sorkar mynta ka dang pynkhreh ia kane ka service rule bad na ka liang jong ka sorkar kan ia leh kloi lan katba lah ban pynded, dei na ka jingbymdon ia ka service rule ba la shim ia ki BDO na kiwei ki tnad sorkar.

Ha ba jubab ia ka jingkylli bynrap jong u Bah George B Lyngdoh, na ka liang jong u mytnri u la ong ba ki 46 ngut ki BDO, 44 ngut ki dei ki ophisar MCS bad u wei na ka tnad rep soh bad u wei pat na ka tnad rep. Na ka liang jong u MLA ka Umroi u la ong ba ka jingbym don ia ki BDO ba pura ka tkah ha kaba pyntrei ia ki kam pynroi ha ki nongkyndong.

Ha ka por ba buh ia ka jingkylli bynrap u tei u MLA jong ka Umroi, u la ong ba ka jingbym don ia ki BDO ban trei ha ki Block kala wanrah ruh ia ka jingiabamsap bad ka jingsuki ha kaba pyntrei ia ki skhim pynroi sha ki nongkyndong. La ong shuh shuh ba ki MCS kila khia palat ka kam namar ki hap ban leh bun tylli ki kam.

What Next?

Recent Articles

Leave a Reply

Submit Comment
*