Shillong, Jymmang 08: Ha Lum Survey ka jaka ba sah beain ki briew kiba la wan poi na kylleng ki bynta jong ka jylla Assam bad naduh Utter Pradesh bad ia kiba la suba ba ki dei ruh ki ba na Bangladesh, hapoh katei ka jaka ka don ka skul kaba la hikai ia ki khynnah kiba sah ha katei ka jaka ba kin nang thoh dak.
Hapoh kane ka jaka ka don ka jaka ai jinghikai ia ki khynnah kiba dang rit ban nang ban thoh ban tar, ha kaba la lap mynta ka sngi ha ka jingleit jurip lang ki bor sorkar bad na ka liang jong ka kynhun shipai bad ka seng HYC.
Ki khynnah kiba sah ha kane ka jaka kila ioh ia kane ka lat ban shah hikai ba kin nang ban thoh dak bad bad la iohi ba ki don palat phew ngut ki khynnah kiba dang shah hikai katba ka jingjurip ia kane ka jaka ka dang iaid .
Haba la ia kren la ong ba kane ka jaka hikai ia ki khynnah kala don katto katne snem mynta bad kane ka jinghikai ka long tang ba ki khynnah kin ioh ban nang ban thoh dak bad la iohi ba ki khynnah ki da ka jingshit ryhem kila ia don ha ka kamra kaba rit ban shah hikai.
