Shillong, Naitung 05: Ka KSU Ranikor Circle lyngba ka kyrwoh ba la phah da u Samla Marconi Thongni, President ka la byrngem ba kan leit ban khang tala iaka Ophis jongka State Bank of India lada ka jingtreikam jong kane ka Bank ka long kumba ka long mynta.
Ka seng ka la lap ba hynne ka sngi 05/07/2018 ka la lap ba watla hapdeng ka jingbun jongki briew ba mut ban wan donkam ban sei bad Thep Pisa hynrei la lap Pynban tang ia ki miej bad shuki thylli khlem don wat uwei ruh u nongtrei lait noh u nongap uba dei ban plie bad khang ia kane ka tnad treikam.
Ym tang katta katba kum ka jinglap bad ka jingioh ujor naki paitbah nongshong shnong la Shem ia kiba bun ki jingdkoh haka rukom treikam jong kane ka Bank. Kiba bun ki nongshong shnong nalor ba ki ju lap ba ka ju khang khlem don ba trei man ka por la ju lap ruh ba haba ki Pyrshang ban leit sei Pisa makna hynrei la ju iathuh da ki nongtrei ba ym don pisa.
Ym tang katta, haba Ki paitbah ki mut ban plie account ruh hynrei ka ju shimpor daki bnai ban ioh iaka passbook. Kane ka ophis la ju lap ba kam pat biang wat haka jingdon jongki nongtrei bad kam Biang ruh haka light namar ka generator ruh ka ju thud man ka por.
Naka liang ka seng, ka dawa naki bor ba dei khmih bad kumjuh iaki bor District ban tuklar mardor halor kine ki jingduna hapoh kane ka Bank kiba la buh jingeh iaki paitbah jong kane ka thain ka ban sa ioh Shen iaka Civil Sub Division kumba la kular daka Sorkar.
Ka KSU kwah ban iohi ba ka Civil Sub Division ha yn sa plie Kan dei ka Civil Sub Division kaba biang pura Khamtam haba iadei bad ka Bank. Ka seng ka la maham ruh ba ki nongtrei ba don ha kane ka Bank ki dei ban trei hok bad wan tista haka bank.
Ban pynsted haki rukom treikam bad ban pynbiang bad weng ia baroh ki jingduna lem kumta ka Seng kan khang leit ban khang tala syndon ia kane ka Bank lada kam lah ban ai iaka jingshakri kumba la khmih lynti daki paitbah.
