Shillong, Jylliew 16: Ka Hynñiewtrep Youths’Council (HYC) Education Cell CEC, mynta ka sngi ka la leit ban buh da ki jingthoh Sha ki bor pyniaid Jong ki skul, colleges bad ki university kiba don hapoh ka Nongbah Shillong, ka jingleit ai jingthoh ka Seng ka long halor ka nongrim kaba iadei bad ki jingpynrung admission na bynta ki HSSLC bad ki Degree courses.
Ha kaba ki nongialam ka Seng ki la kyntu iaki Bor pyniaid Jong ki jaka pule kiba don ha ka jylla ba ki dei ban pyrkhat bad ai admissions shwa iaki khynnah pule Jong ka jylla la kumno kumno 90%.Namar kum ka Seng kila sakhi ha kine ki snem ba la leit, ki samla pule Jong ka jylla tang namar ba duna ka percentage kiba bun ki hap ban mih ban leit pule Noh shabar jylla na kadaw Jong ka Jingshahkyntiat ha ki jaka pule Jong ka jylla.
Hynrei lada Kum kane kajuh ka jingjia ka iai jia iaki samla pule Jong ka jylla khamtam ki khynnah pule kiba na ki thain nongkyndong kan buh ha ka jingeh kaba khraw Tam iaki samla pule Jong ka jylla, khamtam lei ha kuum kane ka por ba ka Jylla bad ka RI hi baroh kawei ka hap mad iaki jingjynjar nakadaw Jong ka saphriang Jong kane ka khlam COVID-19.
Namar Kan nym long shuh kaba suk iaki samla pule ban pyrkhat naka bynta ban leit pule shabar jylla. Khamtam lei ba la ktah iaka Kamai kajih Jong kiba bun ki kmie ki kpa.. Bad kumjuh ruh na bynta ka jingshngain iaka koit ka khiah Jong ki khynnah pule.
Ka Seng ka la ai jingmut ruh iaki jaka pule ban iaki merit-based admission khamtam ki jaka pule ba khampaw Jong ka Nongbah Shillong na bynta ki khynnah pule ka jylla dei ban pynjynjur na ka bynta kane ka academic session 2020-2021 khnang ban Kan nym pynduh mynsiem iaki samla kiba duna haki percentage na bynta ki admission ha ki HSSLC bad ki Degree courses.Kane ka long katkum ka kyrwoh bala phah da u bah Enlang Sawian HYC Education ka seng.
