Dawa ki seng bhalang,KAS, ka sorkar ka dei ban khot ia ka dorbar kyrpang halor ka ktien Khasi

Shillong, Naiwieng 07: Ban pynbor ia ka sorkar ba ka dei ban khot ia ka dorbar ba kyrpang na ka bynta ban pynbeit ia ka rai ban ioh rung ka ktien khasi hapoh ka khyrngit kaba phra jong ka Riti Synshar jong ka Ri India, kala don ka jingiakynduh lang ha pdeng ki nongialam seng bhalang bad ka Khasi Authors’ Society (KAS) haophis treikam jong ka Khasi Students’ Union (KSU).

Ha kane ka jingialang la pynpaw ia ka jingbym sngew lah ban pdiang ia ka resolution jong ka sorkar jylla ha kaba iadei bad ka jingthmu ban dawa pynrung ia ka ktien Khasi sha ka 8th Schedule.

Katkum katei ka resolution ba la thmu ban phah da ka sorkar jylla sha ka sorkar pdeng la shem ba ki don ar tylli ki mat ki bym iahap bad kiba lah rung ban long ynban ki diengpynkiang ia ka lad ban pynrung ia ka ktien Khasi sha ka 8th Schedule jong ka Constitution ka Ri India.

Ha kane ka jingialang la shim ia ka rai ban kyntu ia ka sorkar ban khot ia ka dorbar ba kyrpang ban pynbeit ia ki katto katne ki jingduna halor ka resolution jong ka bad ki kynhun sengbhalang hapoh ka jingialam jong ka KAS kin sa shim ia ki sienjam ban pynbor ia ka sorkar ban pynbha shuh shuh ia katei ka resolution.

Ki sengbhalang kiba wan ia shim bynta ha katei ka jingialang ki kynthup ia ka KSU, FKJGP, HNYF, SSSS, KJWA, KSU NEHU Unit bad ka Hynniewtrep Research Scholars’ Association.

What Next?

Recent Articles

Leave a Reply

Submit Comment

*