New Delhi, Nai
lar 27: U Myntri rangbah duh jong ka Ri India u Narendra Modi, ha ka jingkren ka jong u kaba shisien shibnai ha ka ‘Mann Ki Baat’ lyngba jong ka All India Radio, mynta ka sngi u la phah ka khubor kaba shai kdar ba ka jingiaum snam ha ka kyrteng jong ka jingngeit yn nym lah ban shah, la ka long ha kano kano ka liang ruh.
Yn nym don mano mano ruh u ba lah ban shim ia ka ain hala ka jong ka ktien ha ka kyrteng jong ka jingngeit. Ha ka Constitution, ka Riti Synshar jong ka Ri kaba la ai da u Dr Baba Saheb Ambedkar, kila don lut baroh ki kyndon ban pynioh ia ka hok ia man u wei pa u wei u nongshong jong ka Ri.
“Nga ai ka jingkular ha phi ki paidbah jong ka Ri, ba kito ki briew kiba shim ia ka ain ha la ka jong ka kti bad thaw ia ki jingklumar, la ka dei u riew shimet lane ka kynhun, lane kane ka Ri ne kiwei ki Ri ruh kum juh kin nym lah ban shah. U wei pat u wei u nong shong shnong u hap ban kohnguh ia ki kundon jong ka ain bad ia kiba pynkhein ia ka ain yn pynshitom katkum ka ain”.
Ka Ri India ka dei ka Ri kaba don lang bun ki jaid bynriew, bad kane kam dei tang ha ki katto katne, tang ka rumom riam, hynrei kane ka jingiakhleh ka long ha baroh ki liang, wat ki sngi khraw ruh ki kdew ia ka jingbun jaid bun rukom, haba peit ia ka imlang sahlang, ki riti ki dustur , ka rukom bam rukom dih kan nym don ruh kawei ka sngi kaba kane ka ri kan don ki sngi khraw.
U myntri rangbah duh jong ka Ri India u Narendra Modi u la ong, peit thuh ba baroh ki sngi khraw jong ka Ri katkum ka Almanak, baroh ki don ka jingiadei bad ka mariang, bun na ki sngi khraw jong kane ka Ri ki don ka jingiadei bad ki nongrem bad kum juh bad ki nongtong dohkha.
