Shillong, Lber 04: U Commisioner bad Secretary jong ka sorkar Meghalaya bah T Dkhar mynta ka sngi u la pynmih ia ka jingpynbna sorkar ba ia ka jingpynsmai ia ki MDC ba dang shu jop ha ka ilkeshon kan long ha ka sngi balang ha ka por 11.00 baje mynstep hapoh ka iing dorbar jong ka KHADC bad JHADC.
Ha kane ka juh ka jingpynbna kaba la mih mynta ka sngi la ong ba ka jingjieid ia u Chairman jong ka KHADC bad ka JHADC kan long ha ka 08th/03/2019 ban jied ia u Chairman jong ka iing dorbar. kane ka long katkum ka jingpynbna kaba la pynmih mynta ka sngi.
Ia ki MDC jong ka KHADC kan long ha iing dorbar jong ka KHADC bad ia ki MDC jong ka JHADC kan long ha iing dorbar jong ka JHADC. Ki lad khubor ki iathuh ba kane ka jingpynbna na ka ophis jong u lat ka jylla ia ka jingpynsmai ia ki MDC kan mih la shai ka sngi.
Ki thymmei khubor ki iathuh ba wat la ia ka jingpynbna sorkar ym pat lah ban pynpoi sha ki ar tylli ki District Council hynrei kala don ka jingpyntip na Secretariat ba dei jong ka DC(A) sha KHADC bad JHADC ba ka jingpynsmai ia ki MDC thymmai kan long ha ka sngi balang kata 6th /03/2019.
