Shillong, Nohprah 29: Pynkhlain ki shipai BSF kumnob an ialeh pyrshah ban khanglad ia ka jingkhaii masi beain sha Bangladesh mynta shitaiew ki BSF kila ioh ban kurup haduh 699 tylli ki masi na khappud Meghalaya bad Bangladesh.
Ha ka 27 bad 28 tarik mynta u bnai ki BSF kila ioh ban kurup haduh 175 tylli ki masi na khappud Meghalaya bad Bangladesh. Ha ka 27 tarik la ioh ban kurup haduh 139 tylli ki masi bad ha ka 28 tarik la ioh kem 36 tylli ki masi na Jaliakhola bad Kuliang kiba la kit ha ki trok.
Katkum ka jingkhein jong ki shipai BSF kitei ki masi kila kot sha ka T.39.44 lak tyngka. Ia kine ki masi kiba la ioh kem na ka liang jong ki BSF kila hap ban teh ia ki ha ki dieng kwai ha ki bri kwai. Na ka liang jong ki BSF kila ong ba bun sien ki hap ban ia khun pyrshah ia kine ki nongkhaii masi beain.
