Shillong, Iaiong 16: Kawei ka trok 407 kaba la wan phai na Bangladesh ha dien bala wan pynhap mawreng da poi ha jingkieng Dawki kala hap shapoh wah Umngot, ha Dawki bad haduh mynta ka sngi ym pat lap ia u nongniah kane ka trok.
U ophisar ba dei peit ia ka Dawki Police Station la iathuh ba kane ka trok 407 kaba dei na ki thain Pynursla ha ka jan miet sngi palei kala hap hapoh wah Umngot ha Dawki bad ha ka sngi thohdieng la lap ia ka trok ba ka don hapoh um hynrei ia u nongniah pat pat lap.
La iathuh ba ia mynta ym pat lah ban sei ia kane ka trok na ka daw ba ka heh palat ka um bad ka jingjngut palat ka um namar ka jur ka slap, la iathuh ba ki SDRF bad ki NDRF ki don ha katei ka jaka ban pyrshang ban sei ia katei ka trok bad ban wat ia u nongniah ia kane ka kali.
Na ka liang jogn u ophisar ba dei peit ia ka Dawki Police Station la iathuh ba katkum ka jingtip kaba kila ioh ka long ba ha katei ka kali don tang u nongniah marwei, wat la katta ki dang ia wat ban lap ia ki briew ruh, ka jingpyrshang ban wan ka dang iaid haduh mynta ka sngi ruh.
