Shillong, Rymphang 05: Hadien ba ka sorkar Meghalaya ka la pynbna ia ka tarik jong ka General Election sha ka Khasi Hills Autonomous District Council 2019 ka ban long ha ka 27 Rymphang , 2019 bad hadien ba la pyntreikam ia ka Model Code of Conduct bad kiwei kiwei ki jingbthah na ka sorkar ha baroh kawei ka District, ka District Magistrate jong ka South West Khasi Hills District, Mawkyrwat ka la mana ia ki Political parties bad ki kyrtong na kaba kanbas hapoh 100 meters na ka jaka thep vote.
Ha kane ka jingpynbna jong ka District Magistrate jong ka SWKH District, la ong bay n nym shah pyndon ia ki ia ki tyndong jingpynsawa ne ban sam ia ki kot lyngkdop 100 metter na ki jaka thep bot khlem da ioh ia ka jingbit na ka District Election Officer.
Kane kan long kum juh na ka bynta ban shna ia ki ophis jong ki party, ban wah lama ne ban pynlong ia ka jingiaid paidbah khlem da ioh jingbit na ka District Election Officer.
Kane ka hukum kan treikam ha baroh kawei ka South West Khasi Hills District bad kan treikam noh shisyndon haduh ban da kut ka election.
