Shillong, Naitung 27: 
Mynta ka sngi u Conrad K Sangma MP jong ka Tura u la ialam ia ka kynthun jong ka Joint Action Committee (JAC) ha kaba la don lang u Bah Vincent H Pala MP jong ka Shillong, u Bah AL Hek MLA bad ki dkhot jong ka JAC nap oh Custom bad Central Excise ban ai ia ka Dorkhas ha u myntri ka tnad pla tyngka jong ka sorkar pdeng u Arun Jaitley.
Ia kane ka dorkhas kaba la leit ban ai mynta ka sngi hapoh ka jingialam jong u Conrad K Sangma, la soilang da baroh ki MP jong ka dong shatei lam mih ngi jong ka Ri India, na baroh ki seng sain pyrthei ban dawa na ka u tei u myntri ka sorkar pdeng ba ia ka ophis jong u Chief Commissioner office kaba don ha Shillong dei ban pynneh ha Shillong.
Na ka liang jong u Conrad MP jong ka Tura u ba la ialam ia kane ka kynhun u la batai ia ka jingdon jong ka ka ophis jong u Chief Commissioner office ha Shillong mynta la palat 15 snem bad kane ka ophis ka dei tang ka ophis kaba dei peit ia ki kam ophis kam don jingiadei ei ei bad ki paidbah bad na ka liang jong ka ophis ruh kala dep ban thied ia ka jaka ba 15 akar ban shna ia kane ka ophis ha Shillong.
Ia ka jingiadei bad ki paidbah la leh ha ka kyrdan jong ki Commissioner bad kumba ka long mynta ia ka ophis jong u Commissioner la don ha Shillong bad ha Shillong bad ha baroh ki jylla jong ka dong shatei lam mih ngi jong ka Ri. Ha kane ka jingiakynduh ia u myntri ka sorkar pdeng la pynsngewthuh ruh ia u ba ha kane ka jylla Meghalaya dei ka kynthei kaban peit ia ki kmie ki kpa lada rah sha Guwahati kan long ka jingeh kaba khraw.
Ha kane ka jingiakynduh na ka liang jong u Finance Minister ka sorkar pdeng u Arun Jaitley u la shah skhor ia kane ka kynhun bad u la ai ka jingkular ban un sa peit bniah ia kane ka kam, ha kab ia dei bad kane ka jingkyrpad ban pynneh pynsah ia kane ka ophis ha Shillong.
