Shillong, Naiwieng 24: Ki dkhot jong ka Meghalaya Dugs Users’ Network (MeDUNET) mynta ka sngi kila pynlong ia ka jingiaid paidbah na Iew Polo sha ka ophis jong ka Meghalaya Aids Control Society (MACS) ban dawa na ka project Direictor ba dei ban pynneh ia ka seng VHAM ban beteng ia ka jingai dawai ia kito ki briew kila la ngop ha ka jingdih Drugs.
Haba kren ha ki nongthoh khubor ha dien ka jingiakynduh ia ka Dr LL Mawnai ka Project Director jong ka MACS, u Bah Arbor Thangkhiew ba ialam ia kane ka kynhun u la ong ba ka jingwan ka jong ki sha ophs jong ka MACS ka long ban dawa na kane ka ophis ba ka dei ban pynneh ia ka VHAM ban ai dawai ha Jowai bad Lad Lymbai.
Kane ka jingpynduh kyndit ia ka jingtrei kam jong ka VHAM halor ka kaiphot ba kala ai da kata ka kynhun wad bnaih ka long ka bym shisha ha ei ei ruh, la kynnoh ba kala don ka jingpyndik katto katne bnai ia ka project Director jong ka VHAM kaba don ha Jowai ka kong Naini Pakma.
Na ka liang jong ka MeDUNET kam lah ban pdiang ia ka kaiphot jong ka kyndhun wade bniah kaba 11 ngut bad ka dawa ba dei ban thung ia ka kynhun tohkit kaba laid luid ban wad jingtip ia ka jingshisha ha ka jingtrei kam jong ka ka VHAM kaba don ha Jowai. Kiba bun na kiba la wan ban ia shim bynta ha kane ka jingiaid paidbah mynta ka sngi ki long na Jowai.
