Shillong, Rymphang 12: Mynta ka sngi u lat jong ka jylla u Tathagata Roy u la iarap T.3.5 lak tyngka na ka bynta u hep Heimon U-ru Mukhim ba dang 14 snem ka rta ban phah sumar ia u na ka jingshitom.
Ia ka shek la aiti mynta ka sngi sha ka kong Elisabeth Mawkhlieng kaba dei peit ia kine ki khynnah kiba sah ha SOS Umiam. U hep Heimon u don ka jingshitom na u bud lum bad u don kam mynta ban phah sumar ban pynbeit ia kane un leh hapoh NEIGRIHMS Hospital Shillong.
Ia kane ka jingiarap la ai na ka pisa jingiarap kaba dei ka bhah jong u Lat ka jylla. U Lat jong ka jylla un sa leit ban jngoh ia ka SOS ha u bnai Jylliew 2019 kaba dei ka sngi burom jong ki. U Lat jong ka jylla u la kylli ia ka jingbit jingbiang jong une u khynnah ba shitom.
