Shillong, Lber 03: Ki MLA jong ka party NPP ha ka jingialang kaba la long mynta ka sngi kila jied ia u National President u Conrad K Sangma kum u nongialam ka Parliamentary Party bad kane kala pynskhem ba un long biang u myntri rangbah ka jylla lada ki ioh ban thaw ia ka sorkar.
Ha kane ka jingialang la don lang ruh ki ar ngut ki MLA jong ka party BJP u bah Sanbor Shullai bad u bah A L Hek, u MLA shimet na Baghmara u Kartush R Marak ruh u la ia don lang ha kane ka jingialang.
Ka party BJP kala ai ia ka shithi kaba la thoh da u President ka party u JP Nanda ban ai ka jingkyrshan ia party NPP ban thaw ia ka sorkar kaba thymmai ha kane ka jylla Mehghalaya.
U bah Prestone u la kam ba kila don 32 ngut ki MLA kiba ia ka jingkyrshan ia ka sorkar kaba thymmai, la iathuh ba la khot ia u myntri rangbah duh jong ka Ri India bad myntri kam poh iing ka sorkar pdeng ban wan ha ka sngi bam smai.
