Shillong, Naitung 18: U myntri ba dei peit ia ki kam bor ding jong ka sorkar jylla mynta ka sngi u la leit ban peit ia ka jingpyntrei ia ka jaka pynmih bording ia kaba la tip kum ka “Ganol Small Hydro Power Project” kaba don ha Chibagre ha West Garo Hills District.
Ha kane ka jingleitt jong u myntri ba deipeit ia ki kam bording hapoh ka jylla, la don lang ki ophisar jong ka tnad pynmih bor ding bad u MLA jong ka Kharkutta u Rupert G Momin. Na ka liang jong u myntri u la ong ba ynda la dep kane ka jaka pynmih bor ding kan long ka jingkyrkhu ia ka Garo Hills.
Kane ka jingleit jongoh jong u myntri ka long ha dien ba ia ka thliew kaba ar kilometer kaba la pyntrei la lah ban pynpei da kaba siat da ki dynamait. Kane ka jaka pynmih bor ding ka long ba la shna ia ka dam um kaba jrong 35 metter bad kane kan lah ban pynmih ia ka bor ding 3×7.5 MW.
