Ka jingduna jong ki nongtrei ha ki Bank ka buh ia ki paidbah ha ka jingeh: Conrad

Shillong, Iaiong 27: U myntri rangbah jong ka jylla Meghalaya u Conrad K Sangma haba kren ha ka jingiakynduh lang kaba 16 jong ki nongtrei jong ka State Bank jong ka Ri India kaba juh long man la u snem ha NEHU mynta ka sngi u la ong ba ka jingduna jong ki nongtrei ha ki bank ha ki nongkyndong ka buh ia ki paidbah ha ka jingeh.

Ha kane ka jingialang u myntri rangbah ka jylla Meghalaya u la ong ba lada baroh ki Bank ki pynbiang ia ki nongtrei ha kane ka dong shatei lam mih ngi baroh kawei ymtang ha kane ka jylla Meghalaya kan long ka jingiarap ia ki riewlum kane ka thain shatei lam  mih ngi baroh kawei.

U Conrad u la ong ba ha ki ba bun na ki shnong ki ki thain nongkyndong ka don beit ka jingduna jong ki nongtrei ha ki Bank .Ha kane ka sngi na liang jong u myntri rangbah ka jylla u la kyntu ia ka State Bank jong ka Ri India ba kan pynbiang ia ki briew ha ki Bank na ka bynta ban iarap ia ki paidbah.

Haba pyntrei kam ia ki skhim bapher bapher jong ka sorkar, na ka liang jong u myntri rangbah u la kyntu ia ka State Bank ba kan iarap kyrpang ha kaba ai ram ia ki riewlum kiba dei ki SC bad ki ST na ka bynta ba kin seng ia ki kam ki jam jong ki, ym tang kata ki dei ban iarap ban kdew lynti ruh.

Ha kane ka jingialang u mytnri rangbah u la ong ba ka sorkar Meghalaya kala shim bun ki lad ki lynti ban iarap ia ki briew ban seng kam la jong. U la ong ba ki samla kane ka jylla ki don ia ka sap ka phong jong ki kaba don kam ka long ban plie iaki ka lad.

Ha kane ka sngi u myntri rangbah u la leh burom ia u Dr. B. R. Ambedkar, u ba dei u nongsaindur ia ka Riti Synshar jong ka Ri India bad u ba dei u nongialeh ba ha khmat na ka bynta ki rit paid. Ki nongtrei ka SBI ha Noerth East 42% dei ki riewlum.

 

What Next?

Recent Articles

Leave a Reply

Submit Comment

*