Shillong, Naiwieng 25: U Denang T Sangma Chairman jong ka Garo Hills Autonomous District Council u la ong ba ia ka mat bym don jingshaniah shuh ia ka EC kaba la wanrah mynta ka sngi da ki 10 ngut ki MDC u la ban ban ia kren ha ka 27 /11/2019 kaba dei ka sngi Balang.
Haba kren ha u SP News Agency u Chairman jong ka GHADC u Denang T Sangma u la iathuh ba mynta ka sngi ki shiphew ngut ki MDC hapoh jong ka Garo Hills Autonomous District Council (GHADC)kila leit ban rah ia ka mat bym don jingshaniah shuh ia ka Executive Committee kaba la ialam da u Dipul R Marak kum u Chief Executive Member.
Kine ki shiphew ngut kiba la iasoi ia kane ka mat bym don jingshaniah shuh ki long u,Boston Marak, Weison Ch Marak, Ginbirts Marak, Sadhiram M Sangma,Tonstone Sangma,Methirson G Momin, Righteous N Sangma, S. M. Marak , Jojoring D Sangma, bad u Ismail R marak.
Ki daw kaba kitei ki shiphew ngut ki MDC ba kila ai ba kim don shuh ka jingshaniah ia kane ka Executive Committee ki long, Ka jingpyndon kam bakla ia ka jingmih ka pisa jong ka District Council, ka jingbym lah ban siew ia ka tulop jong ki nongtrei ka District Council.
Ka jingbym lah jong ka Executive Committee ban iada ia ki jaka puta jong ka District Council, ka jingbym lah ban iada ia ki trai shnong, ka jingbym lah ban wanrah ia ki mat trei kam katkum ka riti synshar, kumta kane ka EC kala pulom ha ki jingtrei kam baroh.
Ha kane ka sngi u Deputy Chairman jong ka GHADC u Methirson G Momin u la hiar shuki noh ban bad u la long ruh u wei na ki 10 ngut ki MDC uba la iasoi lang ia kane ka mat bym don jingshaniah shuh ia ka EC.Ka dorbar tlang jong ka GHADC, kala sdang mynta ka sngi bad kan kut ha ka 27 tarik mynta u bnai.
