Shillong, Iaiong 05: U myntri ka sorkar jylla u Bah Comingone Ymbon haba jubab ia ka jingkylli jong u Zenith M Sangma haba ia dei bad ka jingdon kam dohkha ha ka jylla, u la ong ba ka jylla ka bam dohkha 33000 MT ha ka shisnem.
Haba ia dei bad ka jingpynmih Dohkha na ka jylla ha ka shisnem ka long tang 12000 MT bad kane kala wanrah ia ka jingduna ha ka Dohkha haduh 21000 MT ha ka shisnem. La Iathuh hapoh ka iing dorbar ba ia kaba duna la thied na kiwei ki jylla kum na Assam bad kaba eh dei na ka jylla Andra Pradesh.
Ban pynbun shuh shuh ia ka jingpynmih dohkha na ka liang jong ka sorkar jylla kala shim bun ki lad ki lynti, ha kaba kila don 27 tylli ki jaka pdem pylleng ban pynkha iaki kha symbai bad bam sam sha ki paidbah, la iathuh shuh shuh ba tang na kine ki jaka pynkha kiba la buh da ka sorkar kim lah ban pynbiang ha kaba ki riew shimet ki hapban thied na sha bar ka jylla.
