Ka KHADC kan pynbeit ia ka jingkajia hapdeng ka hima Mawsynram bad Nonglwai: HANM

Shillong, Naiweing 19: Ka Seng HANM Mawsynram Circle kala pynpaw iaka Jingsngew khia bad sngew diaw halor ka Jingiakynad jong ki  Artylli ki shnong kiba don hapoh ka thain Mawsynram Ka Phudphan Blei kaba hap hapoh Hima Mawsynram bad ka Laitsohum kaba hap hapoh ka Nonglwai Sirdar Ship.

Kum ka Seng kaba peit ia jinglong jingman bad ka shongsuk Shongsain jong ka dong ka thain haka ba ka iohi ia kane ka jingjia ka kyntu iaki paradoh para snam,kiba Shong hapoh kine Ki artylli ki Shnong kidei ban long Jai jai ban iakren da ka lynti kaba Tipbriew TipBlei.

Ka HANM ka kyntu khnnang  ban poi biang sha ka lynti jong ka jingshongsuk shongsain kumba long haki snem bala dep, ka seng ka kyntu ia ka KHADC bad ia u EM ba dei peit ia ki kam Elaka ban tuklar lem ia kane ka kam ban wan rah biang ia ka shong suk shongsain ha kine ki shnong.

Ka Seng HANM ka maham tyngeh iaki briew kum ba ki lah iohi lyngba ka Social Media baki don ki briew kiba thmu ban shim kabu ban wanrah iaki jingkynthoh bad jingiapher shnong pher thaw, bad ka kyntu ruh iaki bor jong ka ain ki dei ban leh iaka ba don kam, la ong u bah Iadonlang kharbuli nongai ktien ka seng HANM Mawsynram.

What Next?

Recent Articles

Leave a Reply

Submit Comment

*