Shillong, Iaiong 21: Ka Meghalaya Editors’ and Publishers’ Association (MEPA) kaba dei ka kynhun ba ha khlieh jong ki lad pathai khubor ha ka Jylla mynta ka sngi 20 tarik Iaiong, 2020 ka la sam ei ia ki mask sha ki nongdie kotkhubor kum shi bynta ban iada na u khniang jingpang coronavirus.
Ia kine ki mask la aiti da u president ka MEPA u Bah R Monarch Shabong ha u president ka Meghalaya Newspaper Hawkers’ Association (MNHA) u Bah Sebastian Shabong ha ka jingialang ba kyrpang kaba la long ha Mawkhar ha ka jingiadonlang ki nongialam ba ha khmat jong ka MEPA.
Na ka liang u president ka MNHA u Bah Sebastian Shabong u la pynpaw ia ka jingsngewnguh ia ka MEPA halor kane ka jingnoh synniang bad u la kular ruh ia ka jingiatreilang ha ka ban kyntiew ia ka bha ka miat ki nongdie kotkhubor ha ka Jylla.
