Shillong, Nailar 17: Mynta ka sngi u Deputy Commissioner (DC) ka East Khasi Hills u Bah PS Dkhar ula khot ia kren ia ki nongialam shnong Mylliem bad ia ka Seng Khasi Sengkmie bad ia u syiem ka hime mylliem Pa’im Ricky Nelson Syiem ban pynbeit halor ka khynrum khynram kaba mih na ka jingleit on thang ia u nongialam ka seng Khasi u Bah Kulam Nongrum.
U President ka Seng Khasi Sengkmie u Bah A Rynjah haba kren sha ki nongthoh khubor ha dien ka jingiakynduh ia u DC ula ong, “ka Seng Khasi Sengkmie ka la shim ia ka rai ban lum ia ka dorbar bah ha Madan shad weiking Jaiaw ha ka 20 tarik u Nailar ha ban ia kren halor ka jingpyrshah ki paidbah ka shnong Madan Iing Syiem ban thang ia ka met iap u nongialam ka seng Khasi ha ka 11 tarik mynta u bnai.
khnang ban wanrah ia ka jingshong suk shong sain ha ka shnong ka thaw, u la ong, kat kum ka jingia teh kular ha u snem 2010 yn pyndam noh da kaba wad noh ia ka jaka thang kaba biang khnang ba yn lah ban pynlait ia ka khynrum khynram. Bad ha ka dorbar bah ka ban long ha ka 20 tarik yn sa shim ia ka rai ba khatduh bad yn sa pyntip sha u Deputy Commissioner ia ka rai kaba kin shim ha katei ka jingialang.
Kane ka jingkhot jong u Deputy Commissioner ia ki ki nongpyniaid shnong jong ka Mylliem, u Syiem jong ka Hima Mullien bad ia ki nongialam jong ka seng khasi seng kmie ka long ban wad ia ki lad ki lynti kumno ban wanrah ia ka jingshong suk bad ban pynbeit ia kane ka jingeh kaba ia kynduh ha katei ka shnong.Kumba ka long mynta naka liang jong ka shnong ruh kala shim ia ki lad ki lynti ban pyneit ia kane ka jingeh ba kan don ka jingiashong suk hapoh shnong poh thaw.
