Shillong, Nohprah 27: Mynta ka sngi u Sordar jong ka shnong Laitlum u la pyntip ba ka shnong kan pynlong ia ka jingiakop thei bhabriew ia kaba la ai kyrteng “ Thei bha Briew Mawkynrew 2023” ka ban long ar sngi, ha ka 5 bad 6 tarik Kylalyngkot, 2023.
U bah Phillip Mylliem Sordar ka shnong Laitlum la iathuh ba kane ka jingpynlong ia kane jingiakop thei bhabriew kan long na ka bynta ki samla bad kum juh ia ki long kmie, kane ka jingiakop kan logn tang na ka bynta ki samla bad ki long kmie na Mawkynrew Konstitwensi.
Ka kong Matri N Dunnai ka ban long ka nong bishar ha katei ka jingiakop thei bha briew la ong ba kito kiba kwah ban ia shim bynta kin ai kyrteng da kaba pyntip sha u ne number 8837469962, ka tarik kaba khatduh ban pyntip bania shim bynta kan long ha ka 30/12/2022.
Ka jingjied ia ki nongiashim bynta kan long ha shnong Laitlum ha ka 3/01/2023 bad ka jingiakop kan long ar sngi, ha ka 5 bad 6 tarik bnai kyllalyngkot 2023. Ka jingai khunsnam kan long da ka pisa ka ban kot sha ka T.80,000/- hajar tyngka na ka bynta baroh ki jingiakop Miss bad Mrs.
Kane ka jingiakop ka long ban kyntiew ia ka kam jngohkai pyrthei ha katei ka jaka namar kumba ka long mynta katei ka jaka Laitlum kala paw ha kylleng ka RI India bad ka pyrthei ruh kum juh ha kaba ki briew na kylleng kila wan ban peitkai ia katei ka jaka.
