Ka sorkar ka la pynbna shuti, bun ki ophis ki plie ha ka sngi Shad Suk Mynsiem, leit khang ka KSU

Shillong, Iaiong 09: Ka Shad Suk Mynsiem ka loMembers of KSUng kawei na ki riti ki dustur kaba u Khasi naduh u longshwa u manshwa ki ju rakhe kum shi bynta ban pdiang ia ka aiom bet symbai lane ka aiom pyrem. Kane ka jingshad naduh ki por kulong kumah bad haduh ki por ba mynta la ju rakhe da ka jingkmen bad jingshit rhem da baroh ki paid ka Bri U Hynniewtrep.

Ka Shad Suk Mynsiem ha sor Shillong ka shait long ha madan Weiking ha Jaiaw ha kaba da ki hajar ngut ki paid ka Bri U Hynniewtrep ki ju ia shim bynta. Ka sorkar ruh ka ju ai shuti man u snem ha ka sngi ba khatduh jong kane ka jingshad.

Kumjuh mynta u snem ka sorkar ka la pynbna shuti ha kane ka sngi kata ka 9 tarik u Iaiong 2018 hynrei ka long kaei kaei kaba sngewsih ha kaba buh na ki ophis kum ki banks, ki company shimet bad kiwei kiwei ki la pynlong trei ha kane ka sngi.

Ka seng hadien ba ka ioh jingtip shaphang ki jingplie jong kine ki ophis ki bym shym la burom ia ki sngi ba kyrpang u Khasi, ka la leit  ban hukum ia ki ba kin sangeh trei mardor. Mynta ka sngi ka seng ka la khang da ki phew tylli kum kine ki ophis kiba plie ha kane ka sngi kum ki tnad jong ki bank SBI, HDFC, Axis, ICICI, Bajaj Allianz, Meghalaya Cooperative Bank, Canara, IndusInd, bad ter ter ha kylleng ka sor Shillong.

Ka seng ka pynpaw ia ka jingsngewsih halor ka jingbym khein snep ka sorkar ia ka jingbym khein snep kine ki ophis ia kum kane ka sngi ba kyrpang u Khasi bad ka maham tyngeh ba lada kino kino ki ophis kim burom shuh ia ki sngi bakhraw u Khasi ka seng kam banse ban leh da kaba tyngeh.

 

What Next?

Recent Articles

Leave a Reply

Submit Comment
*