Ka surok na Mairang sha Azra ha Assam kan iarap ia ki paidbah ka WKH District: Metbah

Shillong, Rymphang 24: U Lamphang ka iing dorbar thawian ka jylla u bah Metbah Lyngdoh ba dei ruh u MLA jong ka Mairang mynta ka sngi ha ka jingiadon lang u bah B Nongsiej, bah Sniawbhalang Dhar kiba dei ki myntri sorkar, bah S Sohtun MLA jong ka Jirang u la buh ia u mawnongrim ban pynbha ia kane ka surok ha ka jinglut kaba T.70 klur tyngka.

Na Mairang sha Azra kaba hap hapoh jong ka jylla Assam ka jingjia kane ka surok baba yn pynbha mynta ka long 78.914 km, kane ka surok ka sdang na mairang bad ka jingpynbha kan long ha duh Rani Godawn ban pyniasoh bad ka surok bah NH-27 ka jylla Assam.

Ha ka jingkren jong u Lamphang ka iing dorbar thawain ka jylla u bah Metbah kum u kongsan ha kane ka jingbuh ia u Mawnongrim la ong ba u la ioh ia ka jingkular na u kontrator ba ia kane ka jingtrei yn pyndep ha u bnai Jymmang 2022, ia kane ka jingialang la pyndon ha Tirot Singh Memorial Hall ha Pyndemumiong Mairang.

U bah Metbah u la ong ba ha ka jingshisha ki kali kiba iaid na kane ka surok ki long tang ha pdeng 10 bad 20 tylli ha ka shisngi, hynrei balei ka sorkar kan pynlut haduh T.196 klur ban pynbha ia kane ka surok, hynrei ka sorkar ka ioh ia ka jingdon kam kane ka surok na ka bynta ka jingmyntoi ki paidbah ka West Khasi Hills bad ka jylla baroh kawei.

Ha ka jingkren jong u bah Brolding Nongsiej u la ong ba da ka jingpynbha ia kane ka surok kan iarap ban pynlait ia ka jingkhapngiah ki surok ha sor Shillong namar bun ki kali na West Khasi Hills kin sa iaid lyngba kane ka surok ban leit Guwahati, u bah Sniawbhalang Dhar ruh ia la pynpaw ia ka juh ka jingsngew.

Kiwei kiba la ia don lang ha kane ka sngi ki long u Bah TG Nengnong secretary PWD, bad ia kane ka surok la ai ban trei sha u Rocky Dhar bad ka jingmmang pisa ia kane ka surok ka long T.196 klur tyngka bad kane ka surok ka don 78.914 km na Mairang sha Rani Godown bad ia ka jingtrei yn pyndep hapoh ar snem.

Ha kane ka sngi la pynkup burom ruh ia ki 10 ngut ki smala pule kiba la pass bha ha ka HSSLC bad SSLC jong u snem 2021, kiba la ia don lang ki long u A Nongbri SDO Mariang Civil Sub Division, u Syiem jong ka hima Nongkhlaw Pa,im  PM Syiemlieh, bah LD Suchiang CE ka PWD ba dei jong ka surok bad kiwei kiwei ki riew rangbah.

What Next?

Recent Articles

Leave a Reply

Submit Comment

*