Kam ka HNLC ba pynher ia ka lama jong ka seng ha Jowai bad Khliehriat

Shillong, Nailar 14: Haka jingdap kaba 32 snem jong ka HNLC, ka Seng ka sngewdei ban ai khublei ia baroh ki paradoh parasnam,ki nongiarap mon sngewbha,kiba haiing ba hasem jong ki dkhot baroh kiba dang don haka seng bad kiba lah khlad noh na kane ka sla khyndew.

Ka jingkha iaka HNLC ka long halor kajuh ka nongrim kaba u Syiem Wickliff u ieng, lah seng ruh iaka HNLC ha u Snem 1987 shisnem shuwa ka jingkhlad noh jong une u Syiem bakhraw ha u snem 1988.

Haka lyngkhuh sngikha jong ka Seng la lah ban pynieng ia 2 tylli ki Lama ka HNLC ha ri pnar,kawei ha Jowai bad kawei ha Khliehriat,kane ka long tang kum ka dak ban pyni baka Seng bad ka Jaidbynriew ka dangim.

Lah pynkha iaka Ri India da kita ki briew kiba lah ngiah iaka jingshah synshar donbor ki dohlieh, tharai ka long kaba dei eh ia ki ruh kum ka Seng bad ka Jaidbynriew ban ialeh  na ka bynta ban pyllaitluid na ki jingshahteh shakhum, laka long iaka synshar khadar,ka ioh ka kot ne ka imlang sahlang.

Ka Harriet Tubman kaba dei ka dohiong ka ong, “Nga lah pyllait daki hajar ki Mraw, Ngan jin da lah ioh ban pyllait shuh shuh sa daki hajar ki mraw tang lada ki briew jong nga ki tip ia lade ba ki long ki mraw”.

Kumta ka im ka iap jong  ka Jaidbynriew Hynñiewtrep ka shong sa tang ha artylli kiei kiei,ia kano ka lad ban jied ; la  ki khun ki hajar ka bri u Hynñiewtrep ki kwah ba kin aiti ne ngin iakhun.U Syiem Wickliff u dei u Syiem uba ka Jaidbynriew kam ju kham sammut ne ban kynmaw ia u namar ba ym shym lah ioh iaka jingithuh naka Sorkar India.

Ka Jaidbynriew kam dei ka Jaidbynriew kaba klet biej hynrei ka  long ka Jaidbynriew kaba mutlop tasam haba bud ryngkhing iakine ki ‘tien phira uwei u riewkhraw, ” Kaba suk ban kyrsiew iaki briew kiba iohthiah,hynrei kaba da jwat ban kyrsiew iaki briew kiba shu leh myn iohthiah”.

Ka 15 Nailar ka dei ka sngi kaba lah kha ia une u Syiem,bad ka dei ruh ha kane kajuh ka sngi kaba pynkha iaka jingialeh pyrshah ri kaba iatyngkhuh syndon bad ka sngi rakhe jinglaitluid jong ka Ri India. Dei ruh une u Syiem uba  lah bet ia u symbai jong ka mynsiem ialeh bad kumno ban ieid iala ka jong ka Ri.

Ka Jaidbynriew ka donhok ban tip shaphang une u Syiem,namar kano kano ka Jaidbynriew kaba tip iala ka jong ka Histori ka dei ka Jaidbynriew kaba dang don jingkyrmen na bynta ka lawei jong ki longdien.

Kum shi bynta ban rakhe iaka lyngkhuh sngikha une u riewialeh haka 15 tarik Nailar, ka HNLC kan pyllait iaki Sopti kiba don iaka dur bad ki kyntien phira une u Syiem. ong u Bah Sainkupar Nongtraw General secretary cum Publicity secretary, HNLC.

 

What Next?

Recent Articles

Leave a Reply

Submit Comment

*