Kane ka jingpynkhuid ka long tang ban pynidak, ka jingkylla ka dei ban sdang na ngi: Iamon

Shillong, Nailur 14: Ka kong Iamon Syiem nonghikai kaba la shongthiat na St Edmund College haba kren ha ka jingialang ba lyngkot shuwa ban sdang ia ka jingpynkhuid ia ka “Umiam Lake View Point” ha Mawlai Mawiong kala ong ba kane ka jingpynkhuid ka long tang ban pynidak, ka jingkylla ka dei ban sdang na ngi. Ia kane ka jingpynkhuid la pynlong da ka Meghalaya Green and Clean Shillong.

Haba kren ha kane ka jingialang ban pynkhuid ia kane ka jaka jngohkai pyrthei, kaba don ha Mawlai Mawiong, ka kong Iamon ka long ba ka pang ka mynsiem ban iohi ba ka plastik kala pynjot ia ka mariang bad ka jingjyllei ka plastik ka long kum ka jingthombor ia ka mariang.

Ka kong Iamon kala kyntu ia ki briew baroh, haba ki leit kai sngewbha, haba ki iadih bear bad bam ship kim dei ban bret ia ki plastik sha khlaw hynrei dei ban buh ha ki kali jong ki bad bret ha ki jaka kiba la buh pat, hynrei kaba sngewsih ka long ba ki bret ia ki pat sha lum sha wah.

Kane ka jingpynkhuid ka long tang kum ka dak, hynrei ka jingkylla kaba shisha ka dei ban wan na ka jingmut jingpyrkhat jong u wei pa u wei, la ong ba kane kam dei kata ka jingialang, hynrei ka dei tang ka jingiashimbynta ban nym pynjot ia ka mariang.

Ban poi sha ka thong ban pynkhuid ia ka mariang phi baroh kiba ia shim bynta phi dei ban long ki atiar jong ka jingkylla. Ha kane ka sngi la kren ruh da u bah Lurshai president seng samla jong ka Mawlai Mawiong. Kiba la wan ban ia shim bynta ki long na ki khynnah pule jong College na kane ka nongbah Shillong, ki SDRF, bad ki briew jong ka Jiva Resort.

What Next?

Recent Articles

Leave a Reply

Submit Comment

*