Shillong, Lber 30: Ka Khasi Students’ Union (KSU), kumba ka la mana ha ki kot khubor ia baroh ki tnad sorkar ki company ba ki dei ban ai shuti ha ka Good Friday bad ka jingmaham ban khang jubor ia kito ki ba pynkhein ia kane, mynne ka sngi ka la leit ban khang ia ka Ujjivan Microfinance Bank kaba don hajan Stand Jeep kaba la pynlong trei sop sop ha ka sngi Good Friday.
Kane ka company ka la leh da ki kam ba sop sop ha kaba ka la phah wan trei ia baroh ki nongtrei bad khnang ban ym ithuh nabar ka la khang khyrdep ia ka shutter na bar. Hynrei ki don katto katne ki briew kiba la i suba bad ki la pyntip sha ka seng.
Ka seng mar synioh jingtip ka la leit mar mar ban jurip bad ka la shem ba kane ka company ka la pynlong trei shisha. Hangto hi ki dkhot ka seng ki la hukum ia ki nongpyniaid kane ka company ba ki dei ban sangeh mardor ia ki kam bad ban ailad noh ia ki nongtrei ba kin leit sha la iing.
Ka seng ka maham tyngeh ia kane ka company ba lada nangne shakhmat ka leh ia kino kino ki kam ki bym iahap bad ka bha ka miat jong ka Jaidbynriew ka seng kam banse hynrei ban beh krad syndon ia ka na ka Bri U Hynniewtrep.
