Shillong, Jylliew 09: U Myntri Rangbah ka jylla u Conrad K Sangma mynta ka sngi u la iathuh ba kala don ka jingjia kaba sngewsih ha kaba lai ngut ki briew kila khlad na ka daw jong ka jingtwa khyndew ha Garo Hills.
U Mytnri rangbah ka jylla la ong ba la bthah ia Deputy Commissioner ban pynkhreh ban ai jingiarap sha kito ki long iing kiba la ngat ha kane ka jingjia kaba sngewsih, la bthah ba kin pyndep kloi lan ban iarap ia ki briew.
U Myntri Rangbah la ong ba ka jingshlei um ha Garo Hills kala ktah ia ki lai tylli ki District, South Garo Hills District, South West Garo Hills District bad West Garo Hills District, la iathuh ba ka um ka dang kiew na ka daw jong ka jingshlei um.
U Myntri Rangbah u la bthah ia ki bor ba dei peit ia ki District Administration ba kin long kiba peitngor ban iarap ia ki paidbah kiba ngat ha kane ka jingshah lynshop ha ka mariang, kine ki jingwan lynshop ka mariang ym lah ban khang hynrei hap ban phikir.
Na ka daw jong ka jingjur jong u slap ar tylli ki jingkieng kali ha kawah Bandra ki ar tylli ki jingkieng kila shah rongnoh ha ka umsaw, kawei ha Morop Bajar bad kawei pat ha Makalgonchu ha West Garo Hills District.
