Shillong, Rymphang 06: U Bah Ardent Basaiawmoit MLA barim jong ka Nongkrem mynta ka sngi u la kynnoh ba khlem da don ka jingiatreilang hapdeng ka tnad kam poh iing bad ka tnad kam kit kam bah jong ka sorkar jylla ka kham khaii bewiong beain kan nym lah ban iaid.
Ha kane ka jingialang kaba u la pynlong mynta ka sngi ha Madan Student, u la ong “Ngan kren ia kaei kaba nga dei ban kren ioh nga iap noh”. U la on ka dor khajana u dewiong ka long T.11,00/- shiton lada phra spah trok ki iaid man ka sngi da ki spah klur ka pisa ka leit sha ki katto katne ngut, la kynnoh u bah Ardent.
Ha kane ka jngialang u Bah Ardent u la ong ba u rem ha kane ka ilekshon MLA kaba la dep dei ha u para lok jong u Dr Mukul ba ki ia treikam khaii lang, ka jingkynnoh ba u leit kyrshan congress ha kane ka MDC bala dep kam dei kaba shisha ka jingleit kyrshan jong u ia ki kyrtong Congress dei ba u jied ia ki briew ym ba u kyrshan Congress.
Ha kane ka jingialang u la ong ba ka jingtlot jong ka jaidbynriew ka dei na ka jingkhwan, u la kyntu ba naduh mynta ka sngi ba ia treilang para khasi. U la ong ba lada dei ban ia khih ia mynta hap ban ia shai shuwa naduh ba sdang.
Haba ia dei bad ka kam MDC u la ong ba kam don jingmut ban ia leh ilekshon na ki party namar shiphang u don sha ka kti shiphang u don sha ka bom bad ka jingiakylla ka khlem ithuh ithaw kumta ban ialeh na ki party kam don jingmut, la ong u bah Ardent.
