Shillong, Jylliew 17: U Symbut Myntri Rangbah ka jylla u bah Prestone Tynsong mynta ka sngi u la pyntip ba ka sorkar kala shah ban plie ia ki dukan khapsniuh, ki Beauty Parlour bad ki Restaurant naduh ka sngi nyngkong ban wan kata ka 22/06/2020.
Ha kajuh ka por u symbut myntri rangbah u la kren shai kdar ba ia ki jaka khapsniuh bad ki Restaurant ha ki surok bah kiba don ha kylleng ka jylla ym pat shah ban plie ia ki. Ki dukan kiba don ha ki surok kin dang khang shuwa katban da pynbna da kuwei pat.
U Symbut Myntri Rangbah ka jylla u la ong ba baroh ki trai dukan kin hap ban bud ryntih ia ki jingbthah jong ka sorkar kiba la pynmih da ka tnad ka koit ka khiah na ka por sha ka por.
