Shillong, Jymmang 05: Ka tnad pynroi nongkyndong jong ka sorkar pdeng mynta ka sngi kala pynlong ia ka iaka jingrakhe ia ka Ban ia shnoh kti lang bad ka Ri baroh kawei iaka “Ajeevika and Kaushal Vikas Diwas”. Ha kane ka jylla Meghalaya la rakhe ia kane ka sngi da ka jingiashnoh kti lang bad ka Meghalaya State Rural Livelihood Society (MSRLS).
Haka jingkren jong u myntri ba dei peit ia ki kam pynroi nongkyndong ha kane kajylla Meghalaya u Bah Sniawbhalang Dhar, ha ka jingialang kaba la pynlong ha Multi-Use Convention Centre, NEHU, Shillong, u la ong ba ki seng treimon sngewbha bad ki kynhun ha ki shnong ki lah ban long ki nongai kam ia ki samla khlem kam da ki trei shitom.
Kaba kongsan ia kineki seng treimon sngewbha ka long ba kin ia treilang ryngkat ryngkat, ki dei ban don ka jingiaishah ha pdeng jong ki bad ki jingeh kaba ki ia kynduh kan long ka jingjop ha ka jingiatreikam. U la ong ba haba ki ia kynduh ia kano kano ka jingeh ki dei ban long kiba la kloi ban wad ia ki jingiarap na ki tnad sorkar ban ioh jingshai.U la ong wad kwah ban ioh pisa da kaba suk, dei ban trei shitom ban ioh ia ka pisa, namar ka pisa kaba shu ioh suk kan jah noh.
Ka IR Sangma CEO jong ka Meghalaya State Rural Livelihood Society (MSRLS) kala pynpaw ha kane ka jingialang paidbah ba ki don shibun ki skhim kiba la pyntrei da ka sorkar pdeng bad baroh kine ki skhim ki thew sha kawei ka thong ka long ban wanrah ia ka shongsuk shongsain, ban ai bor shuh shuh ia ki long kmie khamtam eh ia ki long iing kiba duk bad ban kyntiew ia ka ioh ka kot ka jong kib an rat jynduh ia ka jingduk.
Ha kane ka sngi la ai khusnam ruh sha ki kynhun trei mon sngewbha kiba kynhun ha ki shnong ki thaw kiba la ha ki kam ki jong ki, ha kane ka sngi la sam sha ki 17 tylli ki kynhun ia treilang ha ki shnong ia kaba la tip kum ka Community Investment Funds (CIF).
Kiwei ki heh sorkar kiba la ia don lang ha kane ka sngi ki long u R.S Chatterjee, Deputy Secretary ka tnad pynroi nongkyndong ka sorkar pdeng, u Bah R. Ryntathiang, Under Secretary ka tnad pynroi nongkyndongu Bah G.S Lyndem COO, DDU-GKY, U D. Kumar, Chairman, Meghalaya Rural Bank bad u Bah S.F. Lyngdoh , COO, MSRLS.
