Shillong, Jymmang 15: U Deputy Chief Minister u bah Prestone Tynsong mynta ka sngi u la iathuh ba ka tnad ri mrad jong ka sorkar kala dep ban leh ia ka test ha ki 38 tylli ki sniang bad baroh kine kiba la dep ban test kam dei na ka African Swine Flue hynrei ka dei ka dei na ka jingpang kiba juh don.
U Deputy Chief Minister ub a dei peit ruh ia ka tnad Ri mrad jong ka jylla u la ong ba ka sorkar ka dang khang ban wanrah ia ki sniang na kiwei ki jylla bad ka jingia die ia thied ia ki sniang na kawei ka District ha kawei pat ka District hapoh ka jylla.
Kiba lah ban ot bad die ia ka doh sniang ki dei ban long tang kito ki sniang kiba dei na ka juh ka District, ia kane ka sorkar ka shah, hynrei ban ia rah na kawei ka District sha kawei pat ka sorkar kam pat shah haduh mynta.
Na ka liang jong ka sorkar kala bthah ia baroh ki ophisar kiba don ha ki District bad ha ki Block ba kim dei ban mih na ka jaka kaba ki don ki dei ban peitngor bha ia kane ka jingiap jong ki sniang.
Haba ia dei bad ka jingiap jong kin gat na ka liang jong ka sorkar kala phah ia ki ophisar bad kila leit ban jurip rygnkat ki briew jong ka ICAR, hynrei ia ka kaiphot ha kaba ia dei bad ka jingiap jong ki ngap.
