Shillong, Rymphang 06: Ka ophis jong u Chief Electoral Officer la pyntip ba mynta ka sngi ki kyrtong kiba la thep kyrteng ban ia khun ia ka MLA elekshon ki long 176 ngut, haduh mynta ka sngi kiba la thep kyrteng baroh ki long 345 ngut.
Ka jingthep kyrteng ban ia khun ia ka MLA elekshon kan long la shai ka sngi ha ka por 3.00 pm noh phai sngi, la iohi ha kine ki sngi ba ki nongkyrshan kila rah la ki jong ki jong ki kyrtong ban ia shad ia risa ban pynpaw ba ki kyrshan ia la u jong u kyrtong kaba ki kwah.
Ka jingthep kyrteng ha Shillong mynta ka sngi la iohi ba hap ban pahara bha da ki pulit ha DC ophis namar ka jingwan ki paidbah nongkyrshan ryngkat ka kynhoi risa, ryngkat ka pud ka tem da ki jingrwai kaba ki kyrtong kila dep ban phah shan jingrwai.
