S
hillong, Naitung 15: Ha ka sngi thohdieng ka Khadsawphra College Mairang West Khasi Hills District kala pynlong ia ka jingaikhublei kitbok kitrywiang ia ka samla Dephi Lyngdoh Mawnai kaba la shah jied ha ka North East-Bihar Zone ha ka jingialehkai Criket kaban long ha Chennai naduh 16 tarik haduh ka 25 tarik mynta u bnai jong ka U-19.
Ha kane ka sngi hapoh ka jingialam jong u Bah Boldness Lyngdoh Nongum principal jong ka College ha ka jingiadon lang ki nonghikai bad ki samla pule jong ka College kila ai ka jingkitbok kitrywiang ia ka samla Deiphi Lyngdh Mawnai kaba pule Class XII hapoh kane ka College .
Na ka liang jong ka college ka da dap da ka jingsngew sarong haduh katta katta na ka bynta jong kane ka samla pule ba kan poi sha kane ka kyrdan ban mih khmat ia ka North East –Bihar Zone jong ka Ri India. Ban pynkynmaw ba ha ka snem 2017 kane ka samla kala shah jied kum ka nongialehkai ia ka jylla Meghalaya.
