New Delhi, Iaiong 02: U mynt
ri rangbah ka jylla Meghalaya u Conrad K Sangma mynta ka sngi u la ia kynduh ia u myntri ka DoNER jong ka sorkar pdeng u Dr. Jitendra Singh, ban ia kren ia ki kam pynroi ha kane ka jylla, ha kaba ka jylla ka don kam ia ka jingikyrshan na ka sorkar pdeng.
Ha kane kane ka jingiakynduh na ka liang jong u myntri ka DoNER, u la ai ka jingkular ia u myntri rangbah ka jylla Meghalaya u Conrad K Sangma ba ka sorkar pdeng kan iarap na ka bynta ban pyntrei ia ki kam pynroi ha ka jylla.
Ha kane ka jingiakynduh na ka liang jong u myntri rangbah ka jylla Meghalaya u la ia kren ha kaba ia dei bad ka skhim kaba thymmai ia kaba la mang kyrpang ia ka dong shatei lam mih ngi jong ka Ri India ia kaba la tip kum ka North East Special Infrastructure Development Scheme (NESIDS) ha kaba ka sorkart Meghalaya kala dep ban ai ia ki skhim sha ka sorkar pdeng.
Ia ki skhim hapoh jong ka NESIDS yn bei pisa da ka sorkar pdeng, kum ka jingsam um, ban pynpoi bor ding eletrik, ban shna ia ki surok bad khamtam eh ia ki jaka jngohkai pyrthei bad ban shna ia ki jingtei kum ia ki skul bad ki jaka ai jingsumar ha ka koit ka khiah.
Na ka liang jong u myntri rangbah ka jylla, u la ong ba kin sa ia kynduh baroh ki ophisar na ki tnad sorkar ban ia pynbeit ia ki skhim ban pyntrei ha kane ka jylla, la ong u Conrad K Sangma, kine ki skhim ki kynthup ia ki Street Light ha ki 1800 tylli ki shnong ha kane ka jylla.
Ha kane ka jingiakynduh la ia kren ruh ia ki jingtrei kiba bun ha ka jingpynkhreh ia ka National Games ka ban long ha u snem 2022 bad ki skhim kiba ia dei bad ka rep ka riang bad ki kam jngohkai pyrthei.
Ka jingthmu ka long ban buh ia ka jaka shna jingbam ha kane ka jylla Meghalaya. Ha kane ka jingiakynduh na ka liang jong u myntri ka DoNER u la ai ka jingkular ban ai ia ka jingiarap ia ka jylla Meghalaya na ka bynta ban kyntiew ia ka roi ka par ha kane ka jylla, la ong u myntri rangbah ka jylla.
