Shillong, Naitung 11: Ki shipai BSF kila kut jingmut ban ia khun pyrshah ia ki kam khaii beain ha khappud Meghalaya bad Bangladesh, ha ka sngi Blei ki la ioh ban kurup 1180 tylli ki kuli dawai dih pynbuaid na East Khasi Hills District ha khappud bad ka thie kaRi.
Ka kynhun ba kyrpang jong ki shipai BSF ha dien ba kila ioh ia ka jigntip kaba thikna ba ki don ki briew kiba jngai tangkumba 200 meter na khappud Bangladesh kila rah hynriew tylli ki sogn ha ki plastic bad la thep ha ka kali ML-05V-9305 kaba ieng ha Ladbamon.
Ka trai jong kane ka kali ka dei jong ka kong Ribhahun Khongsning ba dei trai shnong na katei ka jaka kala kyntait ba kam don kano kano ka jingtip bala kurup iaki kuli Yaba na ka kali jong ia kaba la aiti sha ki pulit jong ka Pynursla Plice Station ban leh ia kaba don kam.
Na ka liang jong ki BSF kila ioh ban kurup haduh 11 hajar tylli ki kuli dawai Yaba naduh ba sdang mynta u snem na jan khappud bad ka Bangladesh , ki heh shipai BSF ki ai ka jingiaroh ia ki shipai kiba don ha khappud kiba la lah ban kem ia ki jingiakhaii beain ha khappud.
